அன்பார்ந்த பள்ளி நிர்வாகிகளுக்கு, வணக்கம்!!

பெரும்பாலான தமிழ்ப்பள்ளிகள் தங்கள் முதற்பருவத் தேர்விற்குத் தயாராகும் இந்த நேரத்தில், தங்களை அனைவரையும் தொடர்புகொள்வதில் மகிழ்ச்சி.

அமெரிக்கத் தமிழ்க்கல்விக் கழகத்தின் (அ.த.க.) 8-ஆம் ஆண்டு விழாவினை சென்ற ஆண்டைப் போலவே மீண்டுமொரு மெய்நிகர் விழாவாக எதிர்வரும் டிசம்பர் 12 (சனி) மற்றும் 13 (ஞாயிறு), 2026 ஆகிய தேதிகளில் நடத்த அ.த.க. நிர்வாகக் குழு முடிவெடுத்துள்ளதை மகிழ்ச்சியுடன் தெரிவித்துக் கொள்கிறோம்.

அ.த.க. பள்ளிகளில் பயின்று வரும் மாணவர்களின் கற்பனைத்திறன், மொழியாளுமை மற்றும் படைப்பாற்றலை ஊக்குவிக்கும் நோக்கில் இப்போட்டிகள் வடிவமைக்கப்பட்டுள்ளன. அத்துடன், மாணவர்களுக்குச் சிறந்த வழிகாட்டியாகத் திகழும் ஆசிரியர்களின் இலக்கியத் திறமையைப் போற்றும் வகையில் போட்டிகள் ஏற்பாடு செய்யப்பட்டுள்ளன. மேலும் ஆண்டுவிழா மலர் வெளியீடு மற்றும் கல்வியாளர்களது கருத்துரைகள் என தமிழ்க்கல்வி சார்ந்த விடயங்கள் இடம் பெற இருக்கின்றன.

இந்த மெய்நிகர் விழா, தங்கள் பள்ளி மாணவர்களின் திறமைகளை மாநில அளவில் வெளிப்படுத்தவும், மாணவர்களின் தன்னம்பிக்கையை ஊக்குவிக்கவும், ஒரு சிறந்த வாய்ப்பாகும். இதற்காக மாணவர்களைத் தயார்படுத்தி, இந்த விழாவில் பங்கேற்று சிறப்பிக்குமாறு தங்களை அன்புடன் கேட்டுக் கொள்கிறோம்.

முக்கியத் தேதி விவரங்கள்

• விண்ணப்பிக்க கடைசி நாள்: நவம்பர் 08, 2026
• விழா நடைபெறும் நாட்கள்: டிசம்பர் 12 & 13, 2026

பதிவு செய்யும் முறை

கீழே வழங்கப்பட்டுள்ள இணைப்புகளைப் பயன்படுத்தி, மாணவர்கள் மற்றும் ஆசிரியர்களின் விவரங்களைப் பதிவு செய்யுமாறு பள்ளி நிர்வாகிகளை கேட்டுக் கொள்கிறோம்.

மாணவர் போட்டிகள், ஆசிரியர் விருதுகள் மற்றும் ஆண்டு விழா மலர் தொடர்பான விதிமுறைகள் (PDF Files) உறுப்பினர் பள்ளிகளுக்கு மின்னஞ்சலில் அனுப்பி வைக்கப்பட்டுள்ளது.

தங்கள் பள்ளியின் மாணவர்கள் மற்றும் ஆசிரியர்களையும், இந்த 8-ஆம் ஆண்டு விழாவில் பங்குபெற்று சிறப்பிக்குமாறு, முன்னாள் மற்றும் இந்நாள் நிர்வாகக் குழுவின் சார்பாக அன்புடன் அழைக்கின்றோம்.

நன்றி, 🙏
ஆண்டு விழாக்குழு
அமெரிக்கத் தமிழ்க்கல்விக் கழகம்